狎鷗亭居酒屋

营业中

休息中

系诺士佛台呢条酒吧街中间有间韩式居酒屋狎鸥亭，由韩国人主理。见到顾客都好多系韩国人，就知道佢够正宗。一黎先上前菜，有六款仲要系任添既，有泡菜、菠菜、芽菜、鱼干、薯仔同埋豆腐。一路食住前菜一路等主食黎到。呢度平时星期一至六系开5pm - 3am，然后星期日开到2am，好啱同朋友酒聚😚1️⃣ 烤胸叉肉（$238）第一次食胸叉肉。系带肥肉既部位，食落系有口感既，铁板上好香～个底仲扑满洋葱丝。可以加埋生蒜、麻油、辣酱包生菜食。真系一秒去左韩国😋2️⃣烤鲍鱼海鲜锅（$458）呢锅海鲜劲丰富！有虾、蟹、青口、大蚬、鲍鱼、带子、鱼、鱿鱼，仲有金菇、芽菜、豆腐、萝卜。店员劲细心会帮手拆壳同埋剪好一件件方便进食，完全系可以坐系度食残废餐🤤一开始佢仲帮我地分好一人一碗既份量，真系坐定定就有得食。海鲜除左多之外，仲好鲜甜，特别劲开心系有鲍鱼同埋原只鱿鱼🥰汤底饮落带好少既辣味，好好饮。3⃣️ 益力多沙冰（$148）系一大壶既。同朋友可以share斟黎饮，酸甜既乳酸菌味道清凉开胃。