醬缸韓國料理 (已搬遷) 新店位置

好耐之前一直讲想试哩间韩国餐厅既酱油蟹，但本身系香港岛个边返工，成日收唔切工过去九龙哩边、而酱油蟹又要预早两日订、亦或星期五至日就订唔到位，只可以walk-in，所以次次都食唔到。今次终于收到工，过到佐敦黎食啦!!! 朋友预先订左一份蟹（一份有两只，两个人啱啱好一人一只），去到坐底无耐就有得食，另外叫左个传统炒年糕，仲有紫菜饭二话不说 第一啖梗系”笔” d紫菜饭捞埋蟹盖d蟹膏食先😋蟹膏味道不错，唔会太重味，㚒埋紫菜饭食好Okay。跟著当然要品尝只蟹啦，shu下shu下就食到d肉，几够鲜味，而且个汁唔会好咸。之前试过系韩国广藏市场食过酱油蟹，个汁太过咸，食唔到d蟹既味道，但今次就无咁既情况，而且d汁可以捞埋紫菜饭食😉 下次想食酱油蟹都会黎哩间👍🏻由于今次主要想黎试蟹，所以另外再叫左个炒年糕je。本身整体味道偏辣，我地又无特别提要小d辣，所以唔系好食辣既朋友要留意。但个辣味系几okay既~