I am.. bakery (已結業)

宝琳地铁站对面呢间面包舖个名叫做 I am.... , 几特别，所以琴日入去试吓佢嘅面包。各式各样嘅面包、西饼同曲奇都有。由于谂住买个大面包作为第二朝嘅早餐，所以选择左裸麦面包15元。贪佢够健康，裸麦㖞。未食之前闻到个麦味好香。不过呢个面包相当之干，要一边饮野一边食。另外，面包皮好硬，我老豆话除咗用手灭，基本上系咬唔开。个面包，除咗赞小麦味重之外，味道非常一般。又干又硬。裸麦虽然健康，其实注重健康食材之余，应该都顾下好唔好食，食咗一次已经唔想食第二次，再健康都冇用。