影片
更多
2009-05-25
25 浏览
今日(25-5-2009 Mon)同男友食个早餐,又o黎兆和街睇睇先,呢间o既早餐又好似几吸引㖞,就呢间啦.我唔想食太多o野,于是叫个$18.00o既猪扒包餐,饮热奶茶.男友就要$22.00o既蕃茄牛腩粒通粉,有牛油猪仔包,饮热柠茶.好快,所有o野都到o黎,热饮唔系用咖啡杯装盛载,而系用比冻饮杯矮小小o既胶杯,咁就大杯啲同够喉啦,识做生意.我o既猪扒包系用猪仔包夹一件猪扒,一生菜,蕃茄夹杂o左沙律酱,猪仔包有焗过,所以热热地同微脆,增强口感,唔错.食落,煎香o既猪扒唔太油,且够松软,虽然猪仔包冇涂上牛油,但已经好够味.而奶茶有少少苦,不过都OK.男友o既蕃茄牛腩粒通粉都几多,牛腩粒同样松软,冇问清楚男友呢只味道如何,不过佢只可以食晒通粉,食唔落件牛油猪仔包,要拎走.环境:应该系重新装修过,好光猛,卡位舒服.装有两部电视机,几乎令每个角落都睇到电视.服务:都系好好,唔差.卫生:地下又系跣跣地,要小心.
我唔想食太多o野,于是叫个$18.00o既猪扒包餐,饮热奶茶.男友就要$22.00o既蕃茄牛腩粒通粉,有牛油猪仔包,饮热柠茶.
好快,所有o野都到o黎,热饮唔系用咖啡杯装盛载,而系用比冻饮杯矮小小o既胶杯,咁就大杯啲同够喉啦,识做生意.
我o既猪扒包系用猪仔包夹一件猪扒,一生菜,蕃茄夹杂o左沙律酱,猪仔包有焗过,所以热热地同微脆,增强口感,唔错.食落,煎香o既猪扒唔太油,且够松软,虽然猪仔包冇涂上牛油,但已经好够味.
而奶茶有少少苦,不过都OK.
男友o既蕃茄牛腩粒通粉都几多,牛腩粒同样松软,冇问清楚男友呢只味道如何,不过佢只可以食晒通粉,食唔落件牛油猪仔包,要拎走.
环境:
应该系重新装修过,好光猛,卡位舒服.装有两部电视机,几乎令每个角落都睇到电视.
服务:
都系好好,唔差.
卫生:
地下又系跣跣地,要小心.
张贴