火鍋英雄 (已結業)

友人亞娜好鐘意食火鍋，約她食飯聚會10次都係10次火鍋，食極唔厭，我一於奉倍到底。每次都會去新地方，其實香港大大小小火鍋店真係好多。今晚去了人流集中的銅鑼灣區，京都廣場樓上一間火鍋專門店，內裡裝潢設計有特色，有疑似房間間格的大檯區，有梳化區，也有普通坐位。醤料區擺設整齊好乾凈。湯底非常重要，嚴選了二十五年陳年花雕烏雞湯。二十五年醞釀的花雕果然浪不虛名，上抬時己嗅到酒香，在翻滾過程中更加散發出來。用了烏雞比起一般雞沒有臊火感，還好補身添。湯底好清甜有淡淡藥材香，滋補養生。打邊爐無牛不歡，肥牛少不了。雪花紋理均勻，牛脂香軟熟。羊肉比想像中好，沒有臊味，薄薄的有鬆軟感。鵝腸好爽脆，最重要不會太多肥膏，食落放心。來自四川的紹粉，有點似河粉。食落有嚼口，煙煙韌韌，幾飽肚。邊食火鍋邊飲洛神花茶，消滯又解渴，食火鍋最佳的飲料。