胡爐 (已結業)

呢间位于铜锣湾楼上舖既火锅店，店内座位私隐度几高，每卡座位都有屏风隔著，有两人枱、四人枱，餐前店员会俾你先自选调配酱料，有多款酱汁可选，其中XO酱为必选系列，因为好足料好多干瑶柱同虾米🤣🤣钟意食辣既仲可以加麻辣酱🤤呢度既椰子鸡锅几出名，店员会帮你亲自落料煮，佢地会先炒一炒个鸡，再洒上少少酒，成个过程非常吸睛之后佢地会用原只椰青做汤底，加上椰子水，再煲一煲，滚后先饮汤，汤水味道浓郁，椰子鸡汤，好味又有益，真系养生之选！火锅配料都有好多选择，其中丸类都系以手打为主，粒粒都好爽口😋 唔知食咩菜好就一定系叫个杂菜拼盘，有四款蔬菜🥬生菜、油麦菜、娃娃菜、菜心，每棵都好靓～好新鲜。之后都有平时食开既芝士肠同芋丝😋😋价钱虽然唔系平，但胜在环境舒适偶然食下都可以同朋友慢慢享受宁静既晚餐😋