賢記甜品世家 (爹核士街)

营业中

休息中

入到舖头之后无人招呼无人带位，见无人喺厨房/柜台，以为职员去左洗手间。咁我就自己揾位坐低啦，舖头当时得一张未执拾嘅枱，照坐低先睇住餐牌等职员。坐左5分钟左右，原来中间有一枱食紧外卖晚餐嘅两位女士系职员（可能系老板啦见佢唔休做），突然起身过嚟执枱顺便落单然后入去整糖水。我哋系两位嘅，当时嗌左一份，比较老嘅女士话「我地有最低消费一人嗌一份」，咁我哋都表示转头会嗌多个外卖。过程中两位对话粗口横飞，又大声呼喝其他食客。堂食感受极差，两位职员/老板无礼貌之余直情比到一个「我唔想做」嘅感觉我。食完堂食𠮶份，嗌埋个外卖。坐多10分钟左右，呀女士又喺厨房嗌出黎「芋圆煲紧呀坐多阵呀」。等唔系问题，唔行过嚟讲都唔紧要，但可唔可以比少少基本礼貌，个感觉就系我嗌多碗糖水好似累到你做多左嘢辛苦咗你咁。极不建议堂食，唔想做不如转做外卖舖啦！