影片
更多
2023-06-15
111 浏览
之前听人讲佢啲乳酪雪糕几好食 今日出开大角咀就同班朋友顺道嚟试试 见舖头入面仲有位我哋就行咗入去 但店员话人手唔够叫我哋喺出面等等先 五分钟左右店员就出嚟叫我哋入去 入到去坐低同朋友谂咗一阵食咩 店员就走嚟叫我哋快啲落单 话因为出面仲有人等紧 45分钟内食唔晒都会叫我哋走 如果唔系佢哋翻唔到枱比其他人 咁我哋都嗱嗱声落咗单 想食紫薯芭菲话冇紫薯 想试话梅花雕雪糕又系冇 其实客人要谂多一阵会唔会系因为你哋冇更新menu或者预先同客人讲声而造成？望一望出面的确有人排队 但舖头嘅位其实够招呼晒出面条队 相信只系因为佢哋人手唔够先唔叫客人入舖住 所以其实暂时系冇翻唔到枱嘅问题 只系佢哋都会预先入咗食客数先 真高招其实想叫客人快啲落单唔系问题 你生意忙想快啲翻枱入客可以理解 但语气奇差就真系好大问题 完全系好唔耐烦嘅态度 feel到佢觉得我哋谂多一阵都系阻住佢哋做生意 但佢哋上甜品又唔系快 等甜品嘅时间计埋落你𠮶45分钟度 真系冇得顶本身冇写开食评 但真心唔想再有人咁远水路入到嚟有咁差嘅体验 打开OpenRice先见到原来咁多人讲过佢哋服务态度差嘅问题 冇预先上嚟睇睇真系失策 同大家嘅体验真心一
其实想叫客人快啲落单唔系问题 你生意忙想快啲翻枱入客可以理解 但语气奇差就真系好大问题 完全系好唔耐烦嘅态度 feel到佢觉得我哋谂多一阵都系阻住佢哋做生意 但佢哋上甜品又唔系快 等甜品嘅时间计埋落你𠮶45分钟度 真系冇得顶
本身冇写开食评 但真心唔想再有人咁远水路入到嚟有咁差嘅体验 打开OpenRice先见到原来咁多人讲过佢哋服务态度差嘅问题 冇预先上嚟睇睇真系失策 同大家嘅体验真心一致 帮衬过一次就够 之后不了 嘢食几好食都冇用 何况唔系特别好食 只能够话正常发挥 服务态度差到令我肯定自己唔会再嚟 未叫甜品已经比人西咗几嘢 根本enjoy唔到个甜品
埋单仲好笑 落完单一直都冇比低单我哋 出到去cashier同个店员讲埋单 佢问我哋边张枱 我哋指完又问返我哋有冇叫心太软𠮶啲 懵盛盛唔知自己做紧咩咁 明明我哋个位系贴墙最后一张 而且得我哋一枱客啱啱走 仲要我哋再三指多几次先出到张单收钱
都系𠮶句 唔会再嚟 都会同身边朋友讲唔好嚟
评分服务粒一星系因为openrice焗住要比完先可以比劣评 否则绝对系零。
张贴
