銖記海鮮飯店

营业中

休息中

本身都有周不时去开铢记食饭，个翅系几抵食。不过今次鸡炖翅汤啖左，算啦都ok收货，戏肉嚟喇，叫咗个砵酒鲜鱿同炒牛柳粒，砵酒鲜鱿上一枱都感觉濑嘢，系上哂粉浆炸完摊冻咗再焗，食落口系一pat焗淋哂嘅粉浆鱿，我真系孤陋寡闻，唔知呢个系咩创新煮法。炒牛柳粒仲大镬，我真系估唔到呢个都会出事。一咬落去，淋哂，系嗱到d肉淋哂个只，唔好讲牛味，连肉味都冇埋，完全唔知自己食紧咩肉，都唔知佢嗱左旧肉几多日2碟𩠌最正常系伴碟嘅西兰花。连正常嘅水平都冇，真系差到不堪入目，煮到咁我真系宁愿食杯面。