隨變火鍋

营业中

休息中

又系时候约朋友食鸡煲打边炉，位于铜锣湾鹅颈桥附近嘅登龙街 V point《随变火锅》有鸡煲食。食店位于高层，落地玻璃望到靓景，地方阔落坐得舒适，有两间厢房，良朋欢聚一乐也，发现唔少外国人到访帮衬中国菜。干锅火锅鸡煲选择丰富，也有刺身串烧，呢度除咗可以食干锅+打边炉，仲有麻辣鸡煲+火锅。麻辣鸡煲(小辣)~小辣程度都算辣，店员好细心，惊我哋唔食得太辣，建议嗌咗小辣先，唔够可以再加辣汤，果然越食越辣，加清汤也可。滚起之后打开盖就食得，鸡肉嫩滑，配菜包括中芹、洋葱、芫茜、京葱等等， 四川麻辣口味，少少麻多多辣。四宝饺子拼盘~两个人一次过试晒四款饺子，多心啲贪心啲都无难度，鱼皮饺、韭菜饺、芹菜木耳饺及云吞王， 各有特色，鱼皮饺够烟韧，韭菜饺够可口，云吞王大虾好弹牙。新鲜有膏鹅肠~第一次食到咁新鲜嘅鹅肠，连埋膏，劲肥美，真系好爽滑，渌一渌就食得，正！炸鱼皮~份量认真大，件件香口件件脆卜卜。随便粉~好细心，提供筲箕惊佢走失，渌一阵变透明就食得，挂满麻辣鸡汁非常美味。叫咗杯1664生啤~自助酱料区~辣椒、蒜蓉、芫茜、香葱等等。