生記粉麵

营业中

休息中

有以前路德围帮衬左咁多年，老板唔做员工自己开返间改名做生记，初初开嘅时候成日大排长龙都特登走去排，因为成日都会挂住。因为忙咗好多所以成半年冇去，入到去剩系得一个人，好开心一坐低就叫我最钟意嘅大肠米线加春卷+冻柠茶冻柠茶到先一饮落去好奇怪𠮶阵味，好明显系柠檬唔靓应该用啲品质比较差嘅柠檬咸菜大肠春卷米线一见到即刻好开心，二话不说即刻㗎佢哋秘制嘅辣椒酱，一打开觉得颜色比起以前有少少唔同咗，深色好多，好啦谂住叹吓个米线～咦…成个味唔同咗就算连春卷都唔同咗味道，一直食落去都觉得同以前完全唔同味，完全冇𠮶种想继续追住放落口嘅感觉，大肠好林都唔使咬放落口已经烂，冇咗咬口，所有味道都变晒…。好失望！好失望！好失望！如果有食开嘅朋友就一定会食得出唔同咗，希望系我咁啱佢手势唔同呀，味道只属于正常，或者过多几个月再试吓睇吓会唔会好返啲啦！