影片
更多
2024-08-19
885 浏览
《🌟推介😋晴晴港饮港食 #misshcfoodie》最近同屋企人揾咗间正宗顺德私房菜食，大家食完都赞不绝口🤩 呢间私房菜位于湾仔，位置都近地铁站算方便🤨餐厅空间几大仲有独立房适合私人聚会，最重要系嘢食真系好出色！◆粉葛鲮鱼赤小豆煲猪踭汤（需预订）$688👍 招牌菜果然名不虚传😮睇价钱可能吓一吓，但见到个汤渣都知道有几足料😌用咗一大条鲮鱼、粉葛、赤小豆、猪展、猪踭肉、猪横脷、猪小肠等丰富材料煲成浓郁嘅精华，每一碗都好鲜甜😍而且赤小豆有袪湿功能啱唒宜家湿热天气，汤渣仲可以慢慢食◆冰镇鲍鱼$98/只 拼青芥冰烧鸡 $368/半只👍原只鲍鱼肥美肉厚，食落有嚼劲🤩仲可以配秘制wasabi酱油提鲜😋 不嬲钟意食手撕鸡，所以呢碟冰烧鸡完全系我嘅菜😚加咗青瓜丝、姜丝、海蜇、芝麻，最特别系个底仲有炸芋头丝脆卜卜好有口感🤩味道酸酸甜甜真系好开胃◆镶钻黄金虾 $98/只👍呢个黄金虾又系我至爱系我好中意嘅咸蛋黄😍 选用大大只嘅大虾🍤炸到金黄色卖相出众，而且系用燕麦碎炸，食落好有咬口😦虾头仲食到虾膏，咸香味十足，又唔会太油腻◆姜葱焗美国桶蚝 $78/只啲蚝都几大只啖啖肉，用姜葱焗好惹味◆顺德焗鱼肠 $218第一
最近同屋企人揾咗间正宗顺德私房菜食，大家食完都赞不绝口🤩 呢间私房菜位于湾仔，位置都近地铁站算方便🤨餐厅空间几大仲有独立房适合私人聚会，最重要系嘢食真系好出色！
◆粉葛鲮鱼赤小豆煲猪踭汤（需预订）$688👍
招牌菜果然名不虚传😮睇价钱可能吓一吓，但见到个汤渣都知道有几足料😌用咗一大条鲮鱼、粉葛、赤小豆、猪展、猪踭肉、猪横脷、猪小肠等丰富材料煲成浓郁嘅精华，每一碗都好鲜甜😍而且赤小豆有袪湿功能啱唒宜家湿热天气，汤渣仲可以慢慢食
◆冰镇鲍鱼$98/只 拼青芥冰烧鸡 $368/半只👍
原只鲍鱼肥美肉厚，食落有嚼劲🤩仲可以配秘制wasabi酱油提鲜😋 不嬲钟意食手撕鸡，所以呢碟冰烧鸡完全系我嘅菜😚加咗青瓜丝、姜丝、海蜇、芝麻，最特别系个底仲有炸芋头丝脆卜卜好有口感🤩味道酸酸甜甜真系好开胃
◆镶钻黄金虾 $98/只👍
呢个黄金虾又系我至爱系我好中意嘅咸蛋黄😍 选用大大只嘅大虾🍤炸到金黄色卖相出众，而且系用燕麦碎炸，食落好有咬口😦虾头仲食到虾膏，咸香味十足，又唔会太油腻
◆姜葱焗美国桶蚝 $78/只
啲蚝都几大只啖啖肉，用姜葱焗好惹味
◆顺德焗鱼肠 $218
第一次食呢道传统又考功夫嘅顺德菜，蛋焗到表层香脆内里松软😮鱼肠洗得好干净，毫无腥味
◆名门秘制梅子辘鸭 （需预订） $638 👍
另一道招牌菜，色香味俱全🤩原来制作工序非常繁复，要不断用滚水淋鸭身至全熟，所以先做到咬落完全唔会靭🫨再配上自家调制嘅酸甜梅子汁，酸酸甜甜减油腻亦好适合夏天食
◆杞子鱼汤浸苋菜 $198
◆阔太炒饭 $548 👍
本来以为系普通炒饭但食落一啲都唔普通🫣材料非常奢华，有大量的蟹肉同瑶柱！而且炒饭粒粒分明同好干身
人均价钱：$700
味道：9/10
环境：8/10
服务：8.5/10
回头率：9/10
👍=必食
*所有价钱以餐厅为准
#misshcfoodie_ 湾仔铜锣湾
📍名门私房菜
地址: 湾仔湾仔道83号2楼
电话: 28933033
张贴
