紅花會 (已搬遷) 新店位置

今日大家系红花会聚首一堂，目的只有一个，就系食正宗顶级嘅川味料理。红色当然系餐厅不可缺少嘅元素，餐牌同枱布都系鲜红色。另外餐厅用左高椅背既梳化作分隔之用，空间感非常足够。主打传统川菜既红花会装潢充满现代化，正正象征红花会菜式传统同现代嘅结合。- 蒜泥白肉应该系我食过卖相最靓既蒜泥白肉，薄如纸既腩肉包住青瓜丝，一啖就可以试晒，清爽之余更有后劲十足既香辣，但辣椒唔会完全盖过蒜蓉，味道非常平衡。- 水煮沙巴鱼客人可以拣桂鱼或沙巴，职员话前者肉质嫩滑，后者肉质结实，充满口感。但系我觉得职员呃我，因为沙巴鱼肉质同样滑嫩🤣鱼片份量唔系算多，但有不同配料包括芽菜、莲藕、莴笋、宽粉，而且味道真系出色！香、辣、麻集于一身。- 椒麻鲜鸡鲜鸡肉配上椒辣味十足既酱汁，肉嫩而味鲜，充满风味。- 西湖牛肉羹食左大多辣野所以叫左碗汤羹平衡下，西湖牛肉羹材料主要有豆腐、牛肉、蛋白同葱花，卖相晶莹清澈，口感几滑溜。- 葱油面葱油香气十足，面条非常挂汁，加上虾亁，每一啖都系咸香既极致，完全停唔到口。P.S 只要追踪红花会嘅社交平台专页，客人可以免费获赠自家制凉茶一杯，当你食辣野嘅时候绝对大派用场🥵每款菜式系味道或卖相都令