影片
更多
2024-07-19
964 浏览
话说今日放工喺附近经过金凤, 就谂住入去缅怀一下, 因为已经十几年冇帮衬。入到去大约6点半, 坐低已经有个侍应话6:45截单, 7点关门。之后我睇咗个餐牌2分钟, 个圆脸男侍应就走埋嚟催我快啲落单。我都觉得算, 我都明作为打工仔系好想准时收工嘅。之后我就叫咗个常餐D。当我食完个雪菜肉丝汤意粉之后, 谂住拎起个碗, 换碟菠萝包过嚟前面嘅时候, 个碗系吮住咗张枱, 令到我只手chor左一下, 啲汤倒泻咗出嚟落张枱同地下度，连我件衫都整湿埋。个问题就系, 个圆脸男侍应竟然走过嚟用埋怨嘅语气讲 "乜你咁唔小心㗎", 完全冇顾及我件衫都整湿咗。我即时同佢讲系个碗"绝"住张枱先会倒泻, 佢竟然话 "哦, 原来系个碗嘅问题, 唔系你问题"。 佢讲完呢一句, 已经令我好激气, 之后仲俾佢系咁奚落我。有个疑似老板娘嘅, 同我打眼色, 暗示叫我算数, 唔好同佢嘈, 仲送上一个蛋挞做补偿。我谂佢唔系第一次咁对客。咁耐未试过食嘢食到一肚气!!呢个圆脸男侍应可以咁肆无忌惮, 睇落喺度做咗好耐, 冇人敢出声。金凤嘅形象, 俾呢啲咁劣嘅员工整衰晒, 唔明点解用呢啲态度, 都仲可以生存到, 可能得失我呢啲小客人唔系问
之后我就叫咗个常餐D。当我食完个雪菜肉丝汤意粉之后, 谂住拎起个碗, 换碟菠萝包过嚟前面嘅时候, 个碗系吮住咗张枱, 令到我只手chor左一下, 啲汤倒泻咗出嚟落张枱同地下度，连我件衫都整湿埋。个问题就系, 个圆脸男侍应竟然走过嚟用埋怨嘅语气讲 "乜你咁唔小心㗎", 完全冇顾及我件衫都整湿咗。我即时同佢讲系个碗"绝"住张枱先会倒泻, 佢竟然话 "哦, 原来系个碗嘅问题, 唔系你问题"。 佢讲完呢一句, 已经令我好激气, 之后仲俾佢系咁奚落我。
有个疑似老板娘嘅, 同我打眼色, 暗示叫我算数, 唔好同佢嘈, 仲送上一个蛋挞做补偿。我谂佢唔系第一次咁对客。咁耐未试过食嘢食到一肚气!!
呢个圆脸男侍应可以咁肆无忌惮, 睇落喺度做咗好耐, 冇人敢出声。
金凤嘅形象, 俾呢啲咁劣嘅员工整衰晒, 唔明点解用呢啲态度, 都仲可以生存到, 可能得失我呢啲小客人唔系问题, 不过佢一日喺度, 我一日都唔会再帮衬。
饮食业咁淡, 今时今日仲有啲咁嘅服务态度, 真系超现实经历, 大开眼界。
利申: 今次系第2次写食评, 从来没有餐厅侍应态度差到令我要写食评, 简直不吐不快。
张贴