鹿角巷 (已結業)

Item: 鹿角巷
Rating: 5
Author: jackie.ip.395

The Alley

172 食记

味道

环境

服务

卫生

抵食

1985

旺角

$50以下

台湾菜台式饮品

jackie.ip.395

等级4

223

要遇上一杯自己喜欢嘅珍珠奶茶, 根本就同遇上恋人一样, 需要缘份同timing嘅配合若果您第1次饮, 经验不多, 基本上任何一间甚至自己喺屋企自己冲, 你都会觉得好味道假若您已经经验老到, 处处寻觅, 甚至已经喺台湾饮过至地道至正宗嘅, 会令您留恋嘅...只会系您心入面嘅真爱鹿角巷已经闻名很久, 我亦都想一尝其味, 感受一下我到底爱与不爱? 6月份我同一班同事去台湾旅行, 喺台中逢甲夜巿巧遇鹿角巷, 我哋双方亘相一个眼神交流, 二话不说冲咗埋去排队, 因为大家都明知道尖沙咀分店, 你冇番咁上下耐性同时间你都唔会有机会饮到, 而我哋对珍珠奶茶嘅欲望亦未至于令到我哋甘愿付出呢个时间去等待, 大家都心知肚明, 有好多喺香港排到出汁嘅"名牌", 喺发源地根本就系平平无奇, 随便就可以品尝得到。但世事往往岂能如愿? 我哋就算遇上了, 排到埋去店员已经话珍珠奶茶已经卖光光了......既然仍然未有缘份, 我哋亦都无谓强求直至番到香港, 其实出旺角已经见到鹿角巷正在装修准备开幕, 心谂: 到时咪又系排排排...... 点知就系一个落雨嘅晚上, 一个充满人围住听"concert"嘅街上,

要遇上一杯自己喜欢嘅珍珠奶茶, 根本就同遇上恋人一样, 需要缘份同timing嘅配合

若果您第1次饮, 经验不多, 基本上任何一间甚至自己喺屋企自己冲, 你都会觉得好味道假若您已经经验老到, 处处寻觅, 甚至已经喺台湾饮过至地道至正宗嘅, 会令您留恋嘅...只会系您心入面嘅真爱鹿角巷已经闻名很久, 我亦都想一尝其味, 感受一下我到底爱与不爱? 6月份我同一班同事去台湾旅行, 喺台中逢甲夜巿巧遇鹿角巷, 我哋双方亘相一个眼神交流, 二话不说冲咗埋去排队, 因为大家都明知道尖沙咀分店, 你冇番咁上下耐性同时间你都唔会有机会饮到, 而我哋对珍珠奶茶嘅欲望亦未至于令到我哋甘愿付出呢个时间去等待, 大家都心知肚明, 有好多喺香港排到出汁嘅"名牌", 喺发源地根本就系平平无奇, 随便就可以品尝得到。但世事往往岂能如愿? 我哋就算遇上了, 排到埋去店员已经话珍珠奶茶已经卖光光了......既然仍然未有缘份, 我哋亦都无谓强求

直至番到香港, 其实出旺角已经见到鹿角巷正在装修准备开幕, 心谂: 到时咪又系排排排...... 点知就系一个落雨嘅晚上, 一个充满人围住听"concert"嘅街上, 唔知道系唔系人群阻住大家嘅视线...令到冇人知道呢度开咗鹿角巷? 冇理由架㖞? 排队条龙呢? 冇乜人嘅? 乜香港人唔系好钟意排队架咩?

就系咁~飞云嘅机会又嚟喇!!!!!! 由细到大我都系一个喜爱奶类制品嘅人, 反而果汁我不太喜爱, 喺有得拣嘅情况下, 奶类永远会是首选, 而身边的他口味就是跟我相反了...haha

所以, 我点咗佢哋嘅招牌黑糖鹿丸, 而佢就点咗焦糖菠萝, 买完飞之后大家可以企埋一边等, 里面空间足够, 佢墙身上贴心咁为大家安置可以叉电嘅插头, 你亦都可以将你嘅饮品放在小枱上慢慢selfie. 如果有细心留意过佢哋, 其实不难发现, 鹿角巷同"虏苦糖"都一样系用日本某牌子嘅鲜牛奶制造。所以黑糖鹿丸奶味浓郁加上口感厚实, 要知道, 想有厚实嘅质感一定要用全脂牛奶先可以做到。另外主要就系同现煮嘅黑糖融合, 达至甜度同奶味浓度配合得刚刚好, 相信店主为咗迎合香港天气而家太热, 怕巿民接受唔到走冰嘅温度, 所以店主都为饮品加上不能更改份量嘅冰, 等啲巿民唔好投诉佢"冻饮"唔够冻。另外饮品亦不能走甜, 如果阁下身体唔够健康唔能够摄取过多糖份的话咁大家自己就要注意喇。至于珍珠方面, 老实讲柔软程度已经很好了, 虽然不是最好, 但已经比起很多其他品牌出色, 值得一赞

至于佢杯焦糖菠萝又如何呢? 我估唔到呢杯嘅制作时间比黑糖鹿丸仲要耐, 原来系因为店员要将片焦糖菠萝用火枪烧焦再放入去, 入面果茶亦有其他果肉, 卖相精美, 我家老爷喝过后评分也高, 佢话茶味相当好, 焦糖菠萝亦烧得啱啱好~满足!!!

总括嚟讲, 鹿角巷也能令我心动, 如果不用排长龙, 即管马上行动吧。我希望唔会见到再有comment啲人话"个珍珠奶茶都冇茶味啰!", 大佬, 人哋个名度, 边忽有个茶字呀? 人哋唔系sell茶架, 要饮茶嘅话, 唔该搭飞机去台北再搭猫空缆车上去大把茶你叹...un唔un?