影片
更多
2023-05-27
973 浏览
介绍返💁🏻♀️。。🇭🇰 Burger 在筲箕湾 🇭🇰。味口福。天悦筲箕湾广场地下低层1楼2号舖。超人气套餐 Burger OR Hot Dog Set 各式汉堡或熬狗皇 配薯条或沙律All Kinds of Burger or Hot Dog WITH Fries or Salad跟热饮 with Hot Drink @ HKD49跟冻饮 with Cold Drink @ HKD52跟红豆冰 with Res Beans Fleecy @ HKD57自选酱汁 Choices of the Sauce水牛城蜂蜜酱 Homemade Honey Sauce。日式芥末酱 Wasabi Mayo。墨西哥香辣酱 Homemade Mexico Sauce。惹味黑椒酱 Black Pepper Sauce追加配料芝士 Cheese。烟肉 Bacon。煎蛋 Fired Egg。菠萝 Pineapple。蕃茄生菜 Tomato Lettuce。HKD6 @ Each脆薯饼。HKD9 @ Each鱼柳 Fish Fillet Cutlet。猪扒 Pork Chop。 鸡扒 Chicken Steak。
。
。
🇭🇰 Burger 在筲箕湾 🇭🇰
。味口福
。天悦筲箕湾广场地下低层1楼2号舖
。
超人气套餐 Burger OR Hot Dog Set
各式汉堡或熬狗皇 配薯条或沙律
All Kinds of Burger or Hot Dog WITH Fries or Salad
跟热饮 with Hot Drink @ HKD49
跟冻饮 with Cold Drink @ HKD52
跟红豆冰 with Res Beans Fleecy @ HKD57
自选酱汁 Choices of the Sauce
水牛城蜂蜜酱 Homemade Honey Sauce。
日式芥末酱 Wasabi Mayo。
墨西哥香辣酱 Homemade Mexico Sauce。
惹味黑椒酱 Black Pepper Sauce
追加配料
芝士 Cheese。烟肉 Bacon。煎蛋 Fired Egg。
菠萝 Pineapple。蕃茄生菜 Tomato Lettuce
。HKD6 @ Each
脆薯饼
。HKD9 @ Each
鱼柳 Fish Fillet Cutlet。猪扒 Pork Chop。
鸡扒 Chicken Steak
。HKD11 @ Each
牛肉汉堡扒 Beef
。HKD13 @ Each
招牌炸鸡脾 Signature Fried Chicken Leg
。HKD29
🤫 自从早排试过Five Guys之后..突然间好有瘾想去食Burger..于是喺OpenRice揾吓港岛东公司附近有咩睇落好味嘅Burger试吓..然后三位入围佳丽分别系Cafe Whale..味口福同埋No Boundary..但碍于我嘅选择困难症..选择嘅重任就交咗俾W猪～而最后胜出者就系位于筲箕湾中学校区附近嘅一间细细间好Local 叫做味口福嘅餐厅🥇
🤫 我哋呢日准时十二搭叮叮过筲箕湾..落车嘅时候已经见到大量嘅中学生从四方八面咁涌出嚟..我哋唯有加紧脚步快啲行到去味口福..事关睇相见到餐厅Size应该系几细间..去到一睇..果然～几乎全间餐厅已经坐满中学生..只系剩返门口旁边嘅高枱位..我哋嗱嗱声放低行装霸主个靓位..再出去收银机𠮶边落Order
🤫 咁我哋今次嚟嘅目的非常之明确..我哋只系需要各自拣返自己想食嘅汉堡包馅料同埋饮品已经搞掂..我就拣咗Honey Sauce牛肉汉堡配薯条..外加芝士蕃茄生菜烟肉炸鱼柳做Toppings🤭然后W猪就要咗个Mexico Sauce 牛肉汉堡配薯条..另加芝士菠萝烟肉..我饮雪碧..W猪就饮红豆冰～
🤫 Burger制作需时..我同W 猪倾咗阵计之后发现原来我隔离𠮶块玻璃系可以见到Burgers制作嘅过程㗎..望到都有啲想流口水..再后来我哋嘅Lunch终于都上枱～
🤫 即系呢～成个Style真系好港式Burger..新鲜滚热辣上枱已经好加分..首先要讲吓个Burger嘅面包..上边块包超级大块亦都相当松软..而下边块包更加系超级惊喜..因为佢系劲松脆㗎啰～真系食到有索索声㗎..仲好重牛油味添㗎..然后牛肉汉堡扒好Juicy..一路咬佢就一路流汁..而且牛味都几香..最紧要系我哋边食边可以睇到兼且听到厨师喺厨房入边用力拍打啲牛肉汉堡扒ss先至拎去煎..系真真正正嘅手打汉堡扒㖞😲
🤫 再嚟就介绍吓各样嘅Toppings啦..第一样要讲..亦都系好Surprise嘅..就系𠮶一块炸鱼柳啦～炸皮薄然后鱼柳又系好大块..而炸皮入边嘅鱼肉系非常之水嫩(我决定下次嚟都一定要加炸鱼柳😎 )至于烟肉方面..六蚊有两个半条嘅烟肉..虽然唔系American Style嘅𠮶种炸到脆晒嘅烟肉..但系味道都唔错
🤫 W猪嘅𠮶块菠萝就系正常罐头𠮶啲厚切菠萝啦～冇乜特别..而我嘅蕃茄生菜..蕃茄相对嚟讲比较薄片..但系生菜份量都算多嘅..都系新鲜爽口嘅..最后芝士嚟讲算系偏淡口..可能因为佢哋啲Homemade Sauce味道够香浓所以遮盖咗芝士嘅香味..我差啲就唔记得咗自己系加咗芝士落去个Burger度🤪
🤫 薯条部份都系有惊喜㗎㖞..以为系普通粗薯条..但系食落口发现竟然劲香脆..明知劲热气都停唔到口..然后正正因为薯条炸得咁香口..W猪忍唔住后加咗只生炸鸡髀🤭
🤫 因为即场制作嘅关系..鸡髀大概十分钟之后上枱..新鲜炸起嘅鸡髀真系冇得输..皮脆肉嫩..流晒油咁款
🤫 老实..个Burger咁厚身而且又劲Juicy流晒油咁..食落真系有啲捩弃..所以我都唔记得咗问吓W猪杯红豆冰系咩情况🤪 但系总括而言～讲咗第三次都要再讲..哩度好港式好中学时代会成日去帮衬嘅一间餐厅..除咗Burger..佢哋仲有好多种选择..感觉样样嘢都可以Mix and Match..汉堡扒焗饭啦..炸鱼柳蛋包饭啦..系佢材料范围你谂得出佢做得到𠮶种..然后最重要系真心非常之性价比..怪唔得之咁多学生哥冲到嚟开饭啦..下次Team Lunch一定要早多两个字出门口过嚟同啲学生哥争位坐先得🤪
。。
翻兜指数：🙆🏻♀🙆🏻♀️️🙆🏻♀️🙆🏻♀️ （5个🙆🏻♀️为翻兜爆灯）
。。
张贴
