影片
更多
2024-11-08
1604 浏览
介绍返💁🏻♀️。。🇯🇵 日式铁板烧 在尖沙咀 🇯🇵。萤火 Hotaru。希尔顿大厦LG楼1号舖。午市套餐 Lunch Set 月。一人前 Moon 沙律 Salad鹅肝多士 Fole Gras Toast汁煮白鳕鱼 Boiled Cod广岛蚝 Hiroshima Oyster日本黑豚肉 Grilled Kurobuta Pork樱花虾炒饭 Fried Rice w/ Sakura Shrimp渍物 Tsukemono吸物 Soup甜品 Dessert OR 咖啡 Coffee。HKD380 + 10% per Head🤫 萤火位于尖东希尔顿大厦..地方好大好宽敞..灯光偏柔和再配上打喺墙边嘅樱花树投射效果..成件事相当浪漫..庆祝生日𠮶啲仲可以俾你写啲字落Laptop放上电子天灯影吓相许个愿咁🏮然后除咗大厅呢度有廿几个铁板烧吧枱位之外..隔离仲有饿吗家姐..行入啲仲仲有三两间私人铁板烧房..三五知己包间房食铁板烧都咪话唔正🤓🤫 拣完餐一开波都系国际惯例..先嚟个简单嘅麻酱沙律..粟米生菜车厘茄都好新鲜..唯一就略嫌麻酱重手咗啲😅🤫 食完沙律饮啖茶..第一个项目樱花虾广岛蚝🦪直接上场..
。
。
🇯🇵 日式铁板烧 在尖沙咀 🇯🇵
。萤火 Hotaru
。希尔顿大厦LG楼1号舖
。
午市套餐 Lunch Set
月。一人前 Moon
沙律 Salad
鹅肝多士 Fole Gras Toast
汁煮白鳕鱼 Boiled Cod
广岛蚝 Hiroshima Oyster
日本黑豚肉 Grilled Kurobuta Pork
樱花虾炒饭 Fried Rice w/ Sakura Shrimp
渍物 Tsukemono
吸物 Soup
甜品 Dessert OR 咖啡 Coffee
。HKD380 + 10% per Head
🤫 萤火位于尖东希尔顿大厦..地方好大好宽敞..灯光偏柔和再配上打喺墙边嘅樱花树投射效果..成件事相当浪漫..庆祝生日𠮶啲仲可以俾你写啲字落Laptop放上电子天灯影吓相许个愿咁🏮然后除咗大厅呢度有廿几个铁板烧吧枱位之外..隔离仲有饿吗家姐..行入啲仲仲有三两间私人铁板烧房..三五知己包间房食铁板烧都咪话唔正🤓
🤫 拣完餐一开波都系国际惯例..先嚟个简单嘅麻酱沙律..粟米生菜车厘茄都好新鲜..唯一就略嫌麻酱重手咗啲😅
🤫 食完沙律饮啖茶..第一个项目樱花虾广岛蚝🦪直接上场..其实铁板烧食蚝都食得多..但系配樱花虾嘅配搭都系第一次😲生蚝外脆内软仲要爆汁Juicy..连埋劲香脆嘅樱花虾ss一齐放入口..成个口感比起平时普通嘅煎生蚝更加有层次🤤
🤫 我食到嘅第二道菜..汁煮白鳕鱼..师傅炒香咗大量嘅洋葱..再用呢啲新鲜炒香嘅洋葱烹煮咗一人一份嘅法式洋葱汤配搭喺已经煎香咗嘅白鳕鱼之下..成件事就系咁不平凡😋
🤫 享用完我个鳕鱼洋葱汤之后..就嚟到鹅肝多士啦..鹅肝相当之厚切..由手法非常之纯熟嘅林师傅将佢煎香..外边脆卜卜入边流晒鹅油咁样..而最特别嘅系..师傅喺鹅肝多士旁边准备咗一块焦糖青柠..喺食完咁油腻肥美嘅鹅肝多士后..轻轻咬一啖焦糖青柠..𠮶种甜酸甜酸嘅味道绝对可以解油Refresh我嘅口腔..呢个细心位真系要俾个赞佢👍🏻
🤫 再嚟就系铁板烧必定有嘅肉肉重头戏..有别于普通嘅铁板煎豚肉..林师傅首先轻轻将豚肉扒两边煎香.. 然后再用樱花木用时间去烟熏..虽然制作需时..但系绝对值得我哋等待😬烟熏过嘅黑豚柳质地好似比起普通煎嘅猪柳更加锁水Juicy..食落口仲有淡淡嘅樱花木香味气..口感层次提升咗唔少🤤
🤫 嚟到呢度我已经饱咗八九成😬通常呢啲樱花虾炒饭嘅嘢..我都会叫师傅意思意思𢳂两羹俾我就得㗎啦😅点知原来林师傅系整荷包蛋樱花虾炒饭..喂呀～只蛋煎得咁靓仔..将个黄捞落去又樱花虾又洋葱粒粒又葱花嘅炒饭上边..我真系饱到爆炸都要食埋佢啰😵
🤫 BTW..佢哋而家好似搞紧个唔知乜鬼清酒祭..无论午餐晚餐嚟帮衬都好似有清酒任饮..详情自己Book位嘅时候问吓啦～
。。
翻兜指数：🙆🏻♀️🙆🏻♀️🙆🏻♀️🙆🏻♀️（5个🙆🏻♀️为翻兜爆灯）
。。
张贴
