牛屋餐廳

营业中

休息中

虽然系老店, 屹立喺佐敦吴松街多年, 但确实麻麻地。午餐价钱最平$42有交易(餐饮需加$3), 有牛油餐包、餐汤(罗宋汤或忌廉汤)。罗宋汤嘅质地及味道都非常浓郁, 系唯一值得赞扬嘅地方。烧汁鸳鸯扒意粉($42), 系牛扒拼猪扒, 牛扒系𠮶种薄切切嘅BBQ扒, 几多腌肉粉嘅味道, 唔得; 猪扒算可以, 略肥。烧汁似番茄汁。另外一个系纽西兰肉眼扒配薯菜($52), 牛扒都系𠮶种薄切切嘅BBQ扒, 腌肉粉嘅味道少啲啲, 都系唔得; 薯条偏淋。同样系烧汁。空间有限, 都坐得几逼夹, 要搭台。