鰹烏冬 (已搬遷) 新店位置

素来对烟韧嘅乌东著迷，甚至疯狂到自己打乌东。现在懒了，可幸附近还有手打乌东，可以久不久治疗我嘅馋嘴病。已经第三次回头此小店，食物质素如一。今次点左鲣鱼半汤乌东配天妇罗加流心蛋。拣左粗乌东，口感更烟韧。乌东吸收左鲣鱼汤，散发出浓浓嘅鲣鱼香。建议唔好加太多天妇罗碎，会盖过汤嘅原味。天妇罗系新鲜炸起，有虾、沙椎鱼、多春鱼、茄子、冬菇。尤其欣赏沙椎鱼，鲜嫩唔腥。虾嘅面衣亦十分松脆。仲有流心蛋，忘了拍照。呈膏状嘅蛋黄加酱油味嘅蛋白，来配乌东又系一绝。美中不足，系乌东送到，但天妇罗还未预备好。对住新鲜嘅乌东，唔立即食系种怠慢；食得太豪快，又怕迟来嘅天妇罗会孤身一人。所以为左避免吃货们嘅内心矛盾，店家最好能够统一出菜嘅时间，那就完美了。