樂天皇朝 (利舞臺廣場) (已搬遷) 新店位置

曾经有唔少朋友都提过乐天皇朝既小笼包好食，再上openrice check吓，咦，睇黎几真系几好㖞，仲有好多人话食完要再食，食过番寻味！但系结论系，满心期望咁去，但系失望而回。究竟呢个系咪我既问题？🤔味道：其实食物黎讲，味道系正常既，但系就唔值呢个价啰。最出名既小笼包味道一般，只系好过楼下food court少少。好多地方仲好味，唔驶特登去食。但系唯一最最最不满既就系肉丝薄饼（已经忘记正确既名），啲薄饼干到好似会吸收哂我啲口水咁，又硬。食左几块就怕怕。卖相：除小笼包同心太软既卖相比较好之外，其他食物既卖相就一般般，仲有啲ＨＥＡ既感觉。环境：坐位有啲窄，同埋布坐垫感觉冇咁干净。星期六１点半座位大概８成满，都几嘈。服务：唔知㖞，都冇乜服务可言。除左带位姐姐喺我地坐低𠮶时一轮咀咁"介绍"点叫野食，同埋有个哥仔放低壶茶之外，同职员就再冇其他交流。