隨然有機玄米菜食料理 (已結業)

本来想食某素食自助餐，但去到满座，只可以随便拣附近的素食店。1845去到，我地系第一枱客。餐厅环境唔错，日式自助格调。菜单设计都系日式格调。叫左两个主菜，一个小食。秘制冷奴配香脆莲根味道唔错。莲根有啲薄，但个豆腐有惊喜。豆腐系自家制，唔滑但豆味香浓。令我有点期待主菜。但一上菜，超级失望。自家制日式咖哩饭饭同配菜份量都好细。咖哩同印象中嘅日式咖喱有好大分别。咖喱系椰奶未偏重，入口都几辣。配菜真系少得可怜。两片茄子开半，一条秋葵开半，再加三片不知名的东西(味道有点似芋头糕)。盛惠$98。本菇酱油唐辛子意大利面同样本菇少得可怜。食第一啖意粉时，发现未煮透。个芯仲系白色的，同左餐厅嘅人讲，佢话意粉嘅质地系咁，同专登煮到岩岩好。绝对颠覆我对岩岩好同熟唔熟嘅概念。又盛惠$98。最后食完仲系好肚饿，结果要食多个格仔饼先叫饱。认真试一次就够。