今福上海美食坊 (已結業)

又黎食上海野，今次堂食唔系外卖啦，旧店风格自己揾位坐，想落单要大叫，店员好忙，基本上叫几万次都唔会有人理你嘅，系适当时机就要捕捉店员嘅眼神然后快速落单，野食都上得好快，如果十分钟都未到即系漏单，要快啲同店员讲。食饭或面可以优惠价加豆浆，要左杯热嘅，唔系好甜都几好，豆味都有，咁白色大家都知有几多豆啦。酸辣汤饺子面，饺子有五只，再加一大个面，超大碗，酸辣汤几足料，笋丝，木耳丝等，酸多过辣几啱口味，面越食越大碗，好似食极都唔完咁，食到底真系饱到上心口。外卖几只锅贴返去宵夜先，大大只猪肉馅，煎得皮脆但很油，皮厚又系饱肚之物。