烘焙兄弟 (已結業)

（如果openrice有「有待改善」呢个选择，唔会拣劣评。加油！）跨站嚟附近买开嘢，第一次行到咁入，见到间烘焙店，打算试下新嘢，希望遇到靓面包店。初时见面包们都好靓好多款式，觉得一定要帮衬吓，又睇中窗口22蚊四件嘅细puff试下实力，到埋单时，俾收银前嘅拿破仑吸引，店员亦好nice咁推荐话一直有卖，话好味道。抱住要脱离美x系列嘅心态，买咗嚟试。结果系⋯试食者A：「非常难入口，根本唔系拿破仑吧？」我原本半信半疑，只咬了两口后.....尤其偏橙色嘅酥皮偏硬，无酥皮应有分层嘅口感。掉酥皮食又太甜，果仁味道同放咗一段时间嘅果仁近似。观察者B: (做过面包店老板，已经无做）话切拿破仑，平均好重要，但呢间唔合格。B亦一件都唔愿试。的确我咬一啖后⋯系想细件啲⋯掉又浪费⋯唔掉又唔知点算⋯见其他人食评同埋自己眼睇，相信面包质素较好，希望小店们，除咗多款式，都可重视每种款式嘅质素。香港嘅小店们，一齐加油吧。