星座冰室 (已搬遷) 新店位置

岀名茄牛面嘅大排档、冰室有好多间，胜香园、华嫂冰室食过，尤其我呢啲蕃茄控特别喜欢。星座冰室可以话系传闻中数一数二嘅餐厅之一，另外，佢嘅招牌面 - 蕃茄捞蛋面系只此一家，之前有传闻话佢会结业，点知今次经过尖沙咀原来仲未执，趁呢个机会就试食系咪真系咁好食🧐。冰室系尖沙咀香槟大厦地库入面，位置比较隐蔽，无门牌无水牌，如果唔系熟客、唔问附近啲店舖，真系揾唔到🔦。入到去，除左店内有数十张枱，店外都有两大张长枱，怀旧冰室同大排档嘅感觉👴🏻。芝士蕃茄牛面 $42 (4/10)牛肉肉质尚算鲜嫩，汤底比较杰身，重口味得黎但无芝士味，蕃茄味淡到基乎食唔岀，静系得个咸字，汤底完全唔合格❌！芝士番茄捞蛋面 $42 (2/10)汤底同样好咸，都系无芝士味，呢碗蕃茄捞蛋更加连个少少嘅蕃茄味都无，加左蛋都唔见得好滑🤯！一心期待，传闻中嘅隐世食店，点知两个所谓嘅招牌菜，味道比预期差，连最基本嘅蕃茄味都无，仲要劲爆咸，真系好失望🤦🏼‍♀️！