新港明珠海鮮酒家 (已結業)

之前写一个一次晏昼午饭点心，觉得食品质素几好，款式又多。今次带齐一家人来试晚饭，点知菜式原来少过午市。阿仔佢对海鲜敏感，直情投诉我话呢个餐牌，点解大部份都系海鲜 🙄 都坐低咗啦，照去马啦，咁佢点都有啲鸡肉猪肉牛肉菜俾你点。叫咗几个𩠌，全家一致认为佢煮得好好味，冇一般观塘区小菜馆咁肥腻及重猪油味⋯ 结果全部𩠌都食得清光⋯ 呢啲情况唔系经常在我家出现。食完本来谂住去隔离甜品舖，点知呢度原来有生果盘同埋红豆沙送。红豆沙D水准好高，食完真系唔再需要去甜品店。最后埋单，就算计埋茶钱同+1，人均消费都低过之前喺同一条街其他免茶钱免加一嘅小菜馆。咁以后系呢条街食饭，我家应该都系再嚟呢间。