MOS Burger (太古城中心)

营业中

休息中

身为MOS既Gold VIP,有新包就紧系会去试下啦，而今次呢个新包系有明太子酱既吉列八爪鱼堡。佢出明太子既product都好正常，香港人钟意日本野，明太子呢样野都愈黎愈常见，而明太子沙律酱又确实系几吸引既配搭。个八爪鱼堡岩岩炸起，热辣辣，热到食都食唔到，要摊一阵先。个八爪鱼堡外脆内有少少黏同韧，入面有d杂豆，八爪鱼粒都食到既。放杂豆都算佢大胆，因为如果系一大pack果d急冻杂豆，我自己都麻麻地同时都冇咩听过有人钟意食。包既另一个重点当然系个明太子酱，我食包最怕dry，而且又好钟意食多酱既野，虽然有时会唔记得，但记得就一定会叫多酱。而个酱都有明太子既味，叫左多酱就食得开心d，同个吉列堡都算夹既，所以个包就ok啦。Mos既餐唔平，跟餐同食多个包既价钱接近冇分别，所以如果自己有野饮，又冇话特别想食佢既粗条薯条，就会索性食多个包。所以同场仲有个黑醋鸡包，呢个包确实做得唔错。个黑醋汁酸酸甜甜又香，加埋沙律酱又多左种丰富圆润既味道。鸡炸得够脆，加埋千切既菜，成个配搭做得非常好。