麥當勞

营业中

休息中

天口鬼咁热，行一阵个人都湿晒，附近甜品舖人又多又迫，加上价钱下下都三四十，纯粹想揾个地方凉一凉冷气太唔抵了，咁求求其其去下老麦食个雪糕算啦，今日呢间舖唔多人㖞，一入就有枱仲要系卡位，正呀，冷气仲好凉添呀，食饱左又唔使再点餐，都系点决定左嘅雪糕算。横掂黎到就试下新口味，阿华田新地同阿华田窝夫筒，加埋朱古力脆皮都系十蚊同十三蚊，抵到烂，有埋位坐又有冷气仲想点。讲下杯雪糕，朋友食嘅窝夫筒内里雪糕超多，比老麦筒起码多一个double，个筒又脆又香口，好味㖞。自己杯新地都好大杯，雪糕有著淡淡阿华田味，唔太甜，上面有阿华田粉增加阿华田味，加埋朱古力脆脆超正，钟意饮阿华田嘅一定觉得正，无失望亦无伏，抵食又好味。好耐无真心觉得老麦嘅野好食，佢平时啲餐贪平食得落唔难食咋，呢个雪糕值得赞一赞佢。