自家點心 (已結業)

之前试过太子间一点心，几好食，但系就好迫 。今次经过呢度竟然星期六晚都唔洗等位，所以入左去试食。地方对比其他点心店已经算系好宽敞，而且呢度又唔会不停收晒你0的野迫你走，可以慢慢享受美味0既食物。2个人用餐，都食左唔少野：虾饺，烧卖，脆皮奶皇包，芝麻卷，棉花鸡，姜葱牛柏叶，鲜虾菜苗饺，牛肉肠。 (但由于太肚饿，所以无影相。)1. 虾饺，烧卖：卖相ok，味道都正常。2. 脆皮奶皇包：皮炸得好脆，但可能炸耐左，咬到里面就见到1/3都系炸皮，见唔到白色0既包皮。而且流心奶皇落得太多咸旦，得个咸字，食唔到奶皇味。3. 芝麻卷：呢个简直系我中式甜点0既至爱，唔系间间点心铺都有呀!! 呢间做得好滑，甜道适中。4. 姜葱牛柏叶：味道唔错，但略嫌辣左少少。5. 棉花鸡：，0的鸡肉无骨，一啖就吞晒 ~ 6. 鲜虾菜苗饺：一上枱见到透晒0的水晶皮，完全感受到呢只饺用料十足，咬落去味道果然好好，比虾饺同烧卖做得更出色。7. 牛肉肠：肠粉几滑，但0的牛肉就麻麻地，好多肥膏。总体黎讲，呢间点心店性价比都几高，值得一试。