完美煮意 (已結業)

抵食台式楼上铺。良心出品今日同同事一齐去食呢间新野，事关上次另外D同事试过话好抵食，所以今日我地系专登去食的。一上到去，人山人海咁，我地等左成10分钟先有位，下次都系订左位先去。同事介绍一定要食L5盐酥鸡扒饭，即炸厚厚既鸡扒再加上肉燥汁，特别容易入口，最重要系冇谂过佢有个菜送埋既，原来系所有台式饭都送个菜⋯⋯呢到既肉燥系无出面果D咁肥，对我黎讲实在太好了，因为我真系好怕食到D肥肥既肉，最重要系都保持到肉的JUICY，呢个价钱都可以啖啖饭都有肉燥，算系咁啦！不过要改善既系，唔够汁，如果可以多D汁就好！我今次就加左＄7要左杯茉香珍珠奶茶，我本身唔太中意香芋同蜜瓜既香味粉，问左店员边款珍珠奶茶系可以无呢D香味粉的，佢就推介我饮茉香珍珠奶茶，因为只有呢款珍珠奶茶系用茉香绿茶加奶加珍珠而色成，所以我就一于试下啦！杯野好大杯，好抵饮，下次再试就试佢既珍珠奶茶先。味道上我觉得绿茶味仲系未够，可能我太中意浓浓既茶味挂⋯⋯另外同事就食L3肉燥茄子饭，听佢地讲呢个好好食，我下次一定要试下....我谂以后又多左个饭堂可以去了。