養心殿台式養生鍋 (已結業)

而家天时咁热，但系朋友依然嘈住话要嚟呢度打边炉，到底有咩咁吸引？好啦，就成全朋友一次，而且见呢间餐厅都算新开，不妨顺便试试佢实力。我地晚上6点就到达餐厅，估唔到里面已经几乎坐满食客！美人锅$188从来未试过食咁清甜，而且感觉咁滋补养生嘅火锅底，饮完第一啖已经觉得值回票价！未开始打边炉我已经饮左3碗汤啦锅底仲有巨多桃胶喺里面，桃胶富含胶原蛋白又高纤，女仔食真系会有份外满足嘅感觉架黑松露虾丸半份$48呢个手工丸真系好好味黑松露味好突出，虾丸亦打得够扎实，入口感觉好好，下次如果有机会再嚟嘅话都一定会食返呢个黑松露虾丸!!即炸脆响铃$68响铃送到上枱嘅时候仍然有微暖，而且仲闻得到有一种啱啱炸起嘅气味，未食已经觉得餐厅对食物质素有相当高嘅标准。极上雪花肥牛$188份量适中，色泽同埋雪花好靓好均匀，牛肉味亦都够香浓，值得推介。整体嚟讲我觉得餐厅嘅食物质素真系相当高，侍应服务态度亦都够友善，而且仲好勤力；坦白讲，呢一餐嘅价钱谈唔上平民化，但系佢的而且确系值回票价。