譚仔三哥米線 (良景廣場)

营业中

休息中

04.05.2021今日试谭仔三哥新口味外卖，之前出鸭血无食过，今次期间限定出「姬松茸/螺片/鸡米线」，话系滋补之选！起初打开碗盖，好空虚呀，眼见得一件鸡、一件螺片，两三条菇仔浮沉喺浓汤中，心谂死喇，咁少，肯定食完唔够饱...点知当落咗米线后开始食，原来件鸡虽然得一件、但咬开分拆可成三、四小件，而且我估系用胡椒腌制过，几好味呀！👍另外件螺片大大片，有咬口；姬松茸得三条，其实最初唔知系乜，同事话系菇之类。维基话属于营养保健食品中，并声称有活化免疫系统、预防恶性肿瘤的功效⋯⋯但未经证实🤣。但无论成效如何，爽爽地几好食，如果可以多啲就更好。（唔知系咪好贵，所以得咁少）想讲个汤底有菌味、浓浓地，我觉得几啱自己口味，其他同事都话好味，但预咗加咗味精，可能会口干。我觉得$59呢个价钱算可以，但属于女士细食之选，如果正常食量肯定唔够饱，建议要至少加多一、两款𩠌。另外，同事食嘅鸭血、豆卜米线，都系期间限定之选，佢话豆卜吸咗汤底，好好味，本身至少五小辣（除非专登叫清汤），唔食得辣嘅我唔啱食。整体来讲，呢次期间限定之选算不错，如果有兴趣，可以试吓。