醬缸韓國料理

营业中

休息中

好耐冇去旅行，好想食返之前去韩国食酱油蟹个风味。朋友推荐话酱缸嘅酱油蟹好好食，所以决定去试一试！因为星期六日只可以walkin，6点去到巳经排哂长龙，企楼梯排队有啲危险而且要小心冷气机滴水好彩等得唔耐，排咗40分钟就有得食！排队企住等，等到好肚饿，一口气叫咗酱油虾酱油蟹芝士口排骨拉面炒年糕准备大快朵颐，但系酱油虾酱油蟹都唔入味，好似自己点豉油咁饭好食，我钟意自己捞。芝士口排骨，唔错，但有啲咸。拉面炒年糕，好食，年糕烟韧，但拉面太咸。其实我想食埋成碟，但太咸，我惊食落去会伤肾，所以最后放弃。讲真真系好失望，朋友极力推荐，OpenRice评价唔错，黎到见咁多人排队，一心期待可以食餐好嘅韩国料理…但食完今次唔会再嚟。