影片
更多
2020-10-10
325 浏览
近年唔少大牌档纷纷入舖，就算味道保持水准，但或多或少会失去原有风味。正所谓秋风起，我好肥，呢排d晚风好凉爽，系时候去旧式大牌档整几碟撚手小菜。🍴炸蚝饼炸到爆晒花，咬落去极之酥脆松化，唔会好似食紧薄罉咁，又唔油腻，碟底一滴油都无，蚝仔大粒鲜甜。🍴墨鱼球炸大肠墨鱼球胀卜卜，好鬼弹牙同鲜甜，真材实料，炸大肠干净无异味，外皮酥脆，内里够软，唔干唔硬，呢味菜一弹一脆嘅配搭新颖又好食。港式炸物通常系唔系都跟泰式鸡酱，但呢度就跟柚子甜酸酱，味道份外清幽，同炸野好夹。🍴杂菌牛仔骨一上菜就闻到劲香，初头以为系用豉油炒，原来系用更浓郁鲜香嘅蚝油去炒，牛仔骨够腍，唔会太肥，配埋大量杂菌香上加香。🍴枝竹火腩豆腐煲香港经典文学作品《火腩饭》描写作者去茶记食火腩饭嘅体会，偏重于心路历程，对味道则较少著墨。今晚面前嘅火腩煲正合我口味，火腩本身够晒咸，所以芡汁唔洗多，岩岩好挂晒落配料，同清淡得黎又滑溜嘅枝竹豆腐好夹，加埋蒜子香味，仲要用煲上热辣辣够晒惹味，反观茶记嘅火腩饭大多镬气欠奉，芡汁又黏又咸，绝对唔能够同火腩煲媲美。大牌档啲人通常粗声粗气，但呢度个老板非常之有亲切感。📍头档大排挡荃湾曹公街8号香车街街市熟食中心
🍴炸蚝饼
炸到爆晒花，咬落去极之酥脆松化，唔会好似食紧薄罉咁，又唔油腻，碟底一滴油都无，蚝仔大粒鲜甜。
🍴墨鱼球炸大肠
墨鱼球胀卜卜，好鬼弹牙同鲜甜，真材实料，炸大肠干净无异味，外皮酥脆，内里够软，唔干唔硬，呢味菜一弹一脆嘅配搭新颖又好食。港式炸物通常系唔系都跟泰式鸡酱，但呢度就跟柚子甜酸酱，味道份外清幽，同炸野好夹。
🍴杂菌牛仔骨
一上菜就闻到劲香，初头以为系用豉油炒，原来系用更浓郁鲜香嘅蚝油去炒，牛仔骨够腍，唔会太肥，配埋大量杂菌香上加香。
🍴枝竹火腩豆腐煲
香港经典文学作品《火腩饭》描写作者去茶记食火腩饭嘅体会，偏重于心路历程，对味道则较少著墨。今晚面前嘅火腩煲正合我口味，火腩本身够晒咸，所以芡汁唔洗多，岩岩好挂晒落配料，同清淡得黎又滑溜嘅枝竹豆腐好夹，加埋蒜子香味，仲要用煲上热辣辣够晒惹味，反观茶记嘅火腩饭大多镬气欠奉，芡汁又黏又咸，绝对唔能够同火腩煲媲美。
大牌档啲人通常粗声粗气，但呢度个老板非常之有亲切感。
📍头档大排挡
荃湾曹公街8号香车街街市熟食中心1楼9号舖
张贴
