韓珍 (帝國中心) (已結業)

🉐正宗韩国菜🉐超推介酱油蟹〈酱油蟹〉🥃🦀之前喺其他韩国餐厅试过酱油蟹，但系咸到不得了，估唔到喺度食反而有惊喜，蟹肉非常之鲜甜，口感滑溜，调味啱啱好，仲会跟一个铺满紫菜同埋蛋黄嘅饭，诚意推介！〈泡菜煎饼〉🍕泡菜煎饼煎得好香口，泡菜嘅份量都唔少，亦都唔会太辣，亦都唔会太湿，够干身！〈泡菜猪肉汤〉🌶️🥬🐷🍲泡菜嘅味道好浓郁，猪肉嘅份量都几多，仲有豆腐同蔬菜，饮完醒个人暖粒粒！〈芝士炒年糕〉🧀🍡炒年糕有分有芝士版同无芝士版，但系建议拣有芝士，芝士嘅份量超多，连埋年糕一齐食，除咗可以解辣之外，仲非常惹味，酱汁好浓郁，够晒正宗！呢间韩国餐厅超正宗，人山人海，想去食嘅记得先book位呀！