Sense Cafe (已搬遷) 新店位置

近来经常出入医院，所以成日要去佐敦揾食。在医院等候时上开饭网揾到一餐厅好似不错，但今日撞正午饭时间去到要等几张台。咁再行前少少就发现这里。看见环境同餐牌同价钱都不错，试试佢！点了鲜蟹肉忌廉菠菜扁意粉，餐汤系南瓜汤。汤是好味的，足料，食到有洋葱碎同南瓜碎。意粉其实不错，唔知系咪自己病病地淡口了，要自己加些盐，味道就差唔多了～意粉软度适中，啱我。但败笔在不够热辣辣（今日廿几度应该唔关天气事吧）餐茶，看餐牌佢应该系主打热情果茶，但因为病，只点了热柠茶。唔知系佢啲杯载开果茶吖～还是佢地用茶特别～还是杯洗唔干净..？柠茶的茶不是传统红茶味，系带一点点果茶味...？咁又唔系难饮嘅～起码佢嘅柠檬新鲜，真系唔系间间餐厅做到。（本人可算是柠茶怪所以有叮叮叮叮研究）人流方面，1点的时间都只见三四组人续组来等位。其实唔系难食又唔算贵，都算少人。不过对我hea底人来说就系好事，唔使怕阻住人食饭急住食想让位。