彩福皇宴 (安達中心)

营业中

休息中

彩福似乎系外父嘅心水楼家，每次同佢去食饭都好满意，而今次就去咗尖沙咀分店。相隔几个月仲新装咗个大舞台作宴会用途，气派十足。首先就点咗个小食麻香牛蒡金钱丝。少许麻辣，拌入彩椒大葱，开胃凉拌，而且金钱肚口感软身易咬。另外点咗份食家三宝，有海蜇拼叉烧，叉烧今晚有点失色，因为肉质偏瘦，失去外层焦蜜入口即溶嘅回忆。啫啫芥兰煲锅气爆灯，送饭真系一绝。清蒸老虎班仔，虽然话班仔，都唔会太细够四人享用。追加咗一个客家风味炆猪肉，炆猪肉加入酸菜的确又另有风味，如果将肉切细少少，再入味啲就满分啦。黑松露秋葵带子炒滑蛋，带子露笋就食得多，炒秋葵真系第一次原来又出奇地夹，我个人好中意。