Yung Chicken Beer

营业中

休息中

之前有食过湾仔的李家，今日路过土瓜湾见到有李家，谂住都唔会差得去边，咪入去试下。我地一行二人，叫左一只原味鸡，一碗年糕汤、一碟海鲜煎饼。首先讲讲海鲜煎饼，um........好似食紧唔熟嘅面粉浆一样。唔香、唔脆，酒楼嘅煎薄撑都好食过佢。年糕汤都可以，但嚟得李家，主菜一定系炸鸡。但食左两啖已经心中爆粗中！啲鸡肉干到呢，越食条脷越鞋，但由于饿到胃痛，都硬啃左几嚿！老公都系饿疷一名，佢都一路食一路黑面，佢第一次食韩式炸鸡，今次俾左个坏印象佢，可能之后都唔同我去食炸鸡了。仲有，其实之前去开李家或韩兄弟，都会有冻麦茶或水饮，呢间～～～系乜都冇！就算问佢，佢都唔会俾，但你可以俾钱Order. 其实，佢啲鸡已经好干，干啃真系好易会啃亲的。总之，如果大家唔介意啲鸡鞋烚烚，又冇水/茶饮，dry啃的话，可以去试下。但我同老公一定冇下次！亦会通知身边朋友勿试呢。