松記糖水店

营业中

休息中

放假去下staycation，食完晚饭揾下糖水食，开个外卖APP睇下见到附近得松记，记得好多年前食过，都系满记果啲咁上下质素挂，心谂开得咁多分店都应该无死啦，点知中X哂伏。拣糖水果阵已经觉得九唔搭八，佢加啲配料基本上都系乱咁黎，我叫个芒果豆腐花佢够胆死问我加唔加两粒芝麻汤圆，我见佢既然都系乱黎，咁我唯有顺佢意加份‘爆珠’黎试下咩料。糖水送到黎一打开都心知不妙，无加到爆珠都唔在讲，个豆腐花得三旧芒果，仲要无汁既，咁唔通你系落黄糖？一食落口，啲粗口出哂黎，基本上碗野同将一个石膏像加水捞匀无分别，无味之余仲要臭既，我宁愿你学某啲舖头咁偷鸡用百福豆腐花算喇。再试旧芒果，哗！你旧芒果腌过嫁？酸到好似味觉糖咁，我都知呢期芒果唔当造，但都唔系咁啰。豆腐花都算好基本野啦，都仲要难食到咁，我想像唔到其他野食系咩一回事。呢间野到今时今日都未执我真系好佩服，睇紧食评既你，不如帮帮大众送佢一程啦，等佢唔好再害人喇。