德興茶餐廳 (已結業)

记得有一晚同朋友出开沙田，行行下街见肚饿，决定离开商场去揾食。 ( 谜之音：写食评写到好似讲估仔咁o既囧.... ... .. .行行下见倒德兴，睇落格局都唔错，又唔使等位 ( 主要原因 )，就走左入去谂住试下。见倒个挂墙o既餐牌，系是日晚餐黎o既～就同friend一人一个──────「咖哩鸡扒饭」！个餐有：例水、小菜 & 主菜 + 餐饮例水：普普通通，冇乜特别，加上我已经唔记得左系咩汤黎，所以不作详谈。小菜：吉列带子配沙律酱，几好食，不过得三粒，唔系好够喉 ( 话明小菜丫嘛哥仔囧 )。主菜：主角出场，咖哩鸡扒饭，咖哩唔算太辣，好适合唔系咁食得辣o既人，块鸡又好食，淋上咖哩块皮都仲脆卜卜。餐饮：冻茶多奶，水准如同一般港式茶记，冇乜特别。总括：值得一试，环境几好唔会太杂，最紧要系个价钱相当合理，有机会可以试埋前少少食粥食粉面o个间德兴。