露面手工拌麵料理

系Openrice揾到呢间餐厅，12点3左右去到都即刻有位，枱同枱都比较近，同隔离枱櫈贴櫈，唔算好坐，坐底后两人分别叫左：1. 一人拌面餐 （油泼辣子鲁肉Biang Biang 面 + 麻辣云耳 + 冻滑溜溜香芋鲜奶少冰微甜)2. 啖啖鱼肉酸菜鱼Biang Biang 面 + 冻粒粒苹果蜂蜜茶3. 玉蟹云吞皇先讲野饮：a. 香芋鲜奶话系滑溜溜，但饮落啖啖渣，味道偏淡，确实有做到少冰微甜b. 苹果蜂蜜茶就系苹果蜂蜜水，苹果粒系1-2mm既苹果碎，无打错字，系1-2mm。再讲野食：a. 因为无睇食评同餐牌无相，所以最后先发觉佢系落错单，落错左做台式卤肉拌面，卤肉味道唔错，但系个面系幼面，食落口好浆口既感觉。麻辣云耳偏酸唔辣，可接受。b. 酸菜鱼份量充足，不论酸菜、鱼肉、芽菜都充足，调味不错，Biang Biang面软硬适中。唯一美中不足系鱼肉有细骨！c. 云吞皇唔知佢系成碟拎去蒸定叮，痴住个碟，皮厚肉实，又唔Juicy，唔建议叫。