滿屋日本料理 (已結業)

谈。放题的重要性！人生中，有放题，真系，好重要！ 所以今次，毫无疑问，又系去食放题！ 今次就选择去咗尖沙咀𠮶间满屋日本料理！ 🤤首先，睇一睇个饮品同甜品柜先，果然无失望，都有几多选择！👍🏻甜品卖相靓得黎都几好味！再黎嘅系各款刺身，刺身都几肥美！食落仲好新鲜，唔错！ 👍🏻特别一赞系个三文鱼腩刺身，一入口就有浓浓油香，正呀！🤣至于个海胆手卷，点解要突登提个手卷呢？因为个海胆份量真系估佢唔到咁多，仲要海胆相当creamy，唔会有腥臭味，所以我地都叫咗好多😂！除咗海胆手卷之外，手卷嘅选择都算多，而寿司嘅种类仲多！特别系呢个墨汁樱花虾三文鱼卷，啲樱花虾又香又脆，都几特别！烧物方面真系要推介烧菠萝同埋烧秋葵！菠萝烧到唔会太干，反而仲甜仲多汁，超正呀！ 秋葵呢，佢面头涂咗少少酱汁黎烧，食落都系烧到好鬼死香呀！ 到最后当然系最期待个雪糕啦！ 有Movenpick 同 Haagen-Dazs 简！ 食埋个雪糕就真系功德圆满啦！