潮館 (元朗廣場)

营业中

休息中

相老友敍旧，佢凑住阿B，所以入黎元朗食就佢。七点钟入座，唔驶等位。两人谈天说地，讲多过食。 叫左卤水拼盘 - 样样有啲，都几入味，咸左啲。冻乌头鱼 - 好鲜味。伴有一碟豆酱，好咸但好味。唔点豆酱够原味，点少少，好少既豆酱又够惹味。鱼尾有个标签，原来系来自元朗杨氏既乌头。应该质素有保证啲？！川椒鸡 - 黎到时「吱吱」声，原来系用铁板上，第一次食铁板上既川椒鸡。好热、好好味、仲劲多汁。呢个好惊喜，大推。唯一缺点系太少绿色𠮶啲叶，我好钟意食架㖞！食左两个半钟，食到人地宵夜时段开始，哈哈。原来宵夜时段入坐，打冷有六折！