一日三餐 (已結業)

今日黎到油麻地食谭生新开张既一日三餐食店，见到竟然星期一下午2点左右都要排队先入到去，小小既队龙无阻我想试食既决心！排队既时候墙上面已有餐牌张贴俾大家谂定想食咩，正值下午茶时间一于试下果度既特色下午茶！入到去环境好干净，店员做野都好勤快，好快就落左order!我同男朋友分别拣左红豆西多士同黑松露炒蛋菠萝包，两款我都好想试！首先上左我个黑松露炒蛋菠萝包，大大个金黄脆皮菠萝包夹住厚厚既黑松露炒蛋，食落劲有黑松露味，旁边有薯仔沙律开胃，劲饱，结果要分俾男朋友食！再黎红豆西多士，本身以为红豆会铺面，原来夹左响西多士中间，要切开先见到，上面系大大旧牛油，仲有糖浆提供，俾你自己照个人喜好搽上，啲红豆唔会好硬，但男朋友就觉得同西多士唔太夹，我个人就好中意食红豆，觉得呢个配搭好新鲜！最后重点系帮衬黄店！帮衬黄店！帮衬黄店！