大滾友火鍋

营业中

休息中

天气冻，少不了嚟个边炉聚会，大滚友呢间位置最perfect，凤攸南街有充裕泊车位，啱晒元朗区自驾嘅街坊，唔怕食食下要走鬼咁无瘾！身为街坊，都食过呢间好几次，店员每次都主动推介下当日时令嘅食材，服务真心唔错。今次想试个特别啲嘅汤底：「翻云覆雨」香浓豆乳蜜瓜浓汤锅。佢有玫瑰花造型，仲仙气飘飘，劲igable！由于有大量蜜瓜，饮落味道清新，鱼片都索晒啲甜味。🟤大滚友牛肉拼盘一盘满足晒N个愿望：安格斯牛、和牛粒、本地手切牛肉，脂肪分布几平均，各有特色；仲有牛𦟌、牛舌，肉味特别浓；牛胸爽呈白色，入口清甜间微微泛牛油香，脆而爽口，带韧劲。🔴伊比利亚橡果猪肉肉质比较细腻嫩滑，带橡果香，食落都唔油腻🟡金屋藏娇和牛墨鱼丸爽口又弹牙，内藏和牛馅嘅墨鱼丸个意念够创新🟠即炸黄金响铃必定要趁热食，就咁食又脆又香，灼几秒索晒汤汁，两种口感任你拣。⚪️火焰豆腐花食饱边炉当然要食埋个甜品，火焰豆腐花有视觉上享受，仲有味觉上惊喜，啱晒钟意仪式感嘅人。