永興豆漿王 (已搬遷) 新店位置

唔知大家钟唔钟意食豆腐花架呢？我就超级钟意食豆类嘅嘢，豆腐花😍😍😍豆浆😍😍哩间嘅豆腐花同豆浆真系喺出边食唔到架，豆味超级重，豆浆超级浓。呢间铺仔净系开夜晚㗎咋，曾经有一段时间我以为佢唔再开店，因为观塘裕民坊𠮶度好多铺头都拆咗，搞到我唔开心左一排，今日经过见到有开舖呀。。即刻开心晒😍😍😍😍平时都会坐喺入面食，但系今晚爆晒棚，又等唔切唯有买外卖食啦。买咗一碗豆腐花外卖同埋一杯热豆浆即刻饮，呢度嘅豆浆可以拣有糖同无糖既，我就拣咗无糖既，原汁原味，真系好浓呀。。返到屋企食埋碗豆腐花，仲系超级热，好滑，真系好有豆味，点解我咁强调真系好有豆味呢？你系出边食𠮶啲豆腐花真系无咩豆味架！！😴😴😴😴😴