永興豆漿王 (已搬遷) 新店位置

講起豆腐花 可能好多人會諗起X和但係你問我我會答你呢間先係全香港最好食嘅豆腐花裕民坊最後一夜呢個係我最後一個打卡嘅地點由細食到大嘅豆腐花除咗有濃濃嘅豆味 更加多嘅係人情味成日去買 買到老闆娘都記得我係「阿妹嗰碗要兩羹黃糖同多糖水呀」除咗豆花 佢嘅豆漿都好出色尤其冬天 我哋最鍾意買兩大支豆漿返屋企整豆乳鍋佢嘅豆漿分有糖同無糖就算有糖嘅都唔會話太甜粢飯都好好食 雖然係來貨野但絕對唔會差過出面嘅即包粢飯最後呢晚幫襯嘅時候我問老闆娘會唔會再開呀佢答我有機會嘅等咗就快兩年唔知幾時先再見到永興豆漿王重開嘅一日呢

曾經買過熱豆漿，但那一次的豆漿有一陣燶味，只飲了兩口。近期各方都在說裕民坊要拆了，豆漿店亦紅起來，所以特意再多給最後一次機會，順道拍攝裕民坊夜景，懷念一下舊日子。今日買了油炸鬼、熱豆漿及餈飯，即時飲了豆漿，豆味濃，沒燶味，而且不會太甜；餈飯較細件，餡料是肉鬆及榨菜，味道合格；油炸鬼說算多油，未算很好吃。值得一提，眼看前面很多位都買大大支豆漿，份量大概是每支至少有1.5升🤔，實屬少見的份量，難怪豆漿是皇牌產品，亦是今晚三樣食品中最好吃的一款👍🏻而用紙皮盒直接裝著油炸鬼，相信不是每個人可接受的🤭未知將來會否再開店，但相信紙皮盒裝油炸鬼的情景應不復再。

永興係專做荳品嘅老字號，係觀塘區好耐架啦，但因為觀塘重建嘅關係，做到今年2月28日就唔做啦！聽到老闆佢地話仲未搵到舖位好愁咁，我都好愁丫無得再食！所以要食一定要快啲去！呢檔真係食過最好食既豆腐花！首先豆腐花好有豆香味，而且好少可食到又滑但唔易散的豆花！平時食豆花都吾會飲曬啲糖水，但呢個薑汁糖水好暖胃～而且唔會太水有小小黏口，仲要唔會太甜，糖水又唔會過多。實在太好食，同好飲，所以最後一滴不漏咁清曬成碗豆腐花☺️記住叫熱嘅！所有味道都會比凍食既香！另外都有好多人叫埋油炸鬼加豆漿食，目標係係佢地唔做之前再去一次！

媽媽心血來潮話想食熱豆漿配油炸鬼~孝順女梗係即刻陪佢去啦~環境方面坐得就唔係好舒服架喇~但堂食既話就可以嚐到熱辣辣既滋味囉~當日都座無虛席，就知道呢刻大家都唔care坐得舒唔舒服啦~今次點左熱豆漿、油炸鬼同熱豆花!油炸鬼炸得香脆不過唔係新鮮炸起所以凍哂lu，我諗熱辣辣食一定仲和味!抵讚既係就算凍左都唔係有油益味，呢個好重要喔!配埋熱豆漿真係好夾，一口油炸鬼再飲一啖熱豆漿，中和左油膩感，豆漿夠哂熱又香濃，真係非一般現成盒裝既可以媲美~而熱豆花香濃軟滑，成日覺得食豆花既精髓在於個黃糖，一定要一大匙先夠滿足!呢方面老板毫不吝嗇，一大湯匙加入豆花度~甜甜的好滋味!豆花又白又滑又夠熱又夠甜~唔駛幾分鐘已經俾我KO哂~臨走果陣見到隔離檯有兩個小朋友老板仲好細心咁將一條油炸鬼分開一人一半，兩個小朋友拎住格劍咁不知幾開心!我覺得係度食到既就係呢d人情味，唔係一般連鎖店可以比較得到~總括黎講~小店一日仲係度我一日都繼續幫襯~ 

官塘裕民坊小店，只在晚間營業，晚飯時間十分熱鬧。熱豆漿配油炸鬼，豆漿有濃濃的豆香，沒有豆的腥味；油炸鬼是微暖的，沾上豆漿再吃別有一番滋味。油炸鬼吃不下整條，可叫半條的。

食飽飯經過呢間豆品鋪，離遠已經聞到陣陣豆香，天氣又熱啦啦，即刻埋去買反杯凍豆漿飲下先得！咁岩見到豆花新鮮出爐，不如就坐低試反碗，睇下係咪得個樣先叫左碗熱豆花同凍豆花，未食已經聽到對面阿姐連講左兩次好正好正！心唸係咪真係咁正啊碗豆花上台之後第一時間影相，影完緊係馬上試味啦，面頭勁多黃豆粉嘩！食落真係好香，而且好滑！真係有陣陣豆香係個口度！而個凍豆花相對地就爭啲，比較實，唔夠滑，而且豆味無咁濃！建議大家唔怕熱既話一定要試熱豆花！真係怕熱既，不如試下佢既凍豆漿，真係好濃豆香味，飲得出唔咪集團式既制作，係用心真材實料去做既

唔知大家鍾唔鍾意食豆腐花架呢？我就超級鍾意食豆類嘅嘢，豆腐花😍😍😍豆漿😍😍哩間嘅豆腐花同豆漿真係喺出邊食唔到架，豆味超級重，豆漿超級濃。呢間鋪仔淨係開夜晚㗎咋，曾經有一段時間我以為佢唔再開店，因為觀塘裕民坊嗰度好多鋪頭都拆咗，搞到我唔開心左一排，今日經過見到有開舖呀。。即刻開心晒😍😍😍😍平時都會坐喺入面食，但係今晚爆曬棚，又等唔切唯有買外賣食啦。買咗一碗豆腐花外賣同埋一杯熱豆漿即刻飲，呢度嘅豆漿可以揀有糖同無糖既，我就揀咗無糖既，原汁原味，真係好濃呀。。返到屋企食埋碗豆腐花，仲係超級熱，好滑，真係好有豆味，點解我咁強調真係好有豆味呢？你係出邊食嗰啲豆腐花真係無咩豆味架！！😴😴😴😴😴

過完年都大半個月了，前前後後突登來過四次了，到今天三月四號，都已經正月十七了，還沒開門營業！休息假期廷長！是不是賺夠了？還是一個月的假期回鄉省親去了！期望快點開門，下次第五次再來能品嚐豆品！

經過發現有開 男朋友即刻表現到好開心 因為我哋試過好多次特登黎食都係無開佢就係對呢個豆漿油炸鬼嘅組合念念不忘油炸鬼唔會油林林又唔會乾爭爭 點埋豆漿一齊食好正 不過如果熱少少就好了呢碗豆漿唔會太甜 飲入口唔會係成口糖水嘅感覺 而係濃濃嘅豆香好多人都買一大枝豆漿走 坐低食野短短既十五分鐘已經見到店家不停refill豆漿 新鮮滾熱辣既豆漿由一桶桶既膠桶度不繼倒岀黎豆腐花好滑 有薑汁味 不過係好淡 就算我本身對薑味好抗拒都可以接受到 但係我始終都係中意某某地方既桂花味豆腐花多d一碗豆漿配油炸鬼 仲有一碗豆腐花夾埋就$31其實我地唔知每樣係幾錢 因為小店無標明價錢

今天的豆漿很淡，失望，仲帶了個朋友來買外賣，佢返到去話我知很淡，好像溝了水添，自己即打開來試 果然很淡，不知發生了甚麼事呢，今天有吃的朋友有無問題，定還是咁啱我食嗰煲係咁？

晚上八點半，剛好做完運動，又唔想食得太多野，經過觀塘諗起呢一間小店，行過去碰一碰運氣睇下佢有冇開先，因為佢有時會關門的見到光猛猛的燈光，見有人已經喺度排隊買緊豆腐花，哈哈⋯⋯無白行⋯⋯我決定外賣買返屋企同屋企人分享，所以就叫左一個少甜熱豆漿，另一碗係無糖豆漿，再加個粢飯⋯⋯絕配！其實我以前不太鍾意這間鋪頭的人，因為佢哋嘅態度麻麻地，可能當時好好生意，成日排長龍，但而家人小左，態度好好多了！

係觀塘apm行出去，有一幢依舊好古老既大廈，係地下依然開左一啲好有特色既老店。去到呢度即想唱番首豆漿油條，開左成三十年既老店，仲要夜晚先開門。收工去油炸鬼岩岩整熱辣辣外皮又脆，點埋豆味勁濃既豆漿，唔會得陣甜味，希望保留番呢啲特色老店喇。店名: 永興豆漿王地址: 觀塘裕民坊40A地下

和男朋友吃完晚飯，他說要吃豆腐花我心想只有food court 一個選擇 (好像是)原來他帶我到裕民坊，還有一檔十分傳統的豆漿店👇🏼小小的店鋪，放了2張小圓枱和在行仔放了張橫枱供客人堂食我們點了一客熱豆花和一客凍豆花堂食凍豆花令我有點失望的，豆花有點過實，不夠鬆化但熱的沒有這個問題，還很有豆香的🔺要注意的是他們的糖水是有薑味的坐我對面的食客點了熱豆漿加油條🤤看著我也十分想吃，下次要試試這樣子吃的吃了2碗豆花，22元

每週都要去九龍灣上課，上次在觀塘亂走發現的豆漿店今天要試一試。這家店很小，只能擺兩張小桌子，這家店很舊，像是開了很多年也沒有裝修過的樣子。賣的東西大約只有豆漿油條豆花飯糰吧。就喜歡這麼專注的小店。肚子不餓，於是叫了一碗豆漿配油條。他們長這樣。這才是豆漿油條正確的打開方式。豆漿比較濃，但是豆味欠缺。油條也不是新鮮出爐，溫溫涼涼的，總體來說不能算好吃，只能過個嘴癮吧。買單不到30。這樣的街坊小店買少見少，還是應該支持一下。

經常在觀塘來來往往的我, 突然心血來潮走去裕民坊搵食, 猶幸以往光顧的小食店仍然存在, 仲比我發現了一間晚上才營業的豆漿店, 後來才知道豆漿店已有超過30年歷史, 點解我而家先發現.....?? 😂第一次在香港遇上這種古早味豆漿店, 即時想去每次去台灣都堅持宵夜到豆漿店的情景熱豆漿, 熱豆腐花都用上一個大的湯麵碗盛著, 我再配上一條油炸鬼 (共$29)熱豆漿的甜度適中. 只有好淡好淡的甜味, 而且黃豆味濃郁豆漿配油炸鬼, 感覺上有點缺一不可的感覺, 油炸鬼雖然唔係熱辣辣, 即使無浸在豆漿裡吃, 都仍然是脆身的熱豆腐花, 口感幼滑, 散發出來的黃豆味比熱豆漿更重, 加了帶薑味的糖水, 大大碗, 食完好滿足