阿一豆花

营业中

休息中

今晚做电车男，落去香港秋叶原买电脑产品！搅掂完想食D野，但又唔系好肚饿㖞，肠粉又排哂队，okay，食碗豆腐花啱啱好。大大话话两年无食过阿一，唔知有无搬走，好彩重系到！早排去海记食咗一个淡戊戊嘅绿豆，今次又试试阿一嘅绿豆甜度如何先！叫咗一碗冻绿白...... 天气虽然凉咗好多，但系..... 都重系未想食热嘅豆腐花啰！其实有D担心阿一去货快，雪得唔够冻，所谓嘅冻豆腐花可能一D都唔冻，点知担心系多余，碗豆腐花够哂冻！正！第二样担心绿豆唔够甜，又系多余！阿一提供埋黄糖同冰糖水，重有姜汁添，够哂细心啦！不过，绿豆本身都煮得够甜。豆腐花够滑之余，份量又足够。见到佢有黑白，如果系芝麻糊的话，下次试黑白。