甜甜地 (已搬遷) 新店位置

今次同猪精俏公主第一次试甜甜地，我地叫左芒果糯米糍、木桶姜汁豆腐花、木桶杏仁豆腐花。芒果糯米糍系推介食品，但系令我地两个太失望了。芒果完全冇味道，唔甜唔酸。只系觉得食紧一旧淋pat pat既果肉。糯米皮虽然好软，但入口都系冇味道，真的有少少失望。到左两个豆花出场，果然好唔同。姜汁豆花好香，离远已经嗅到姜汁既味道，入口好滑。可能用小木桶关系，每一啖都系热腾腾的，好正。杏仁豆花都系一样，好香的杏仁味道，又够滑，真系非常好吖…但系，如果价钱平少少就好了，$24一碗，实在都几贵。