合和荳品

营业中

休息中

最近食得比较油腻，想食得清淡少少。我同朋友系铜锣湾行完街去左合和荳品度食以豆品为主既食物。店舖装修简约，但坐无虚席，一入到去就见到厨师制作食品。我地睇完menu之后就叫左煎酿豆腐 (HKD 16)，肠粉鱼蛋烧卖拼盘 (HKD 33)，豉油皇炒面 (HKD 18)。而饮品就叫左姜汁豆花豆浆 (HKD 23)同埋桂圆红枣豆花豆浆 (HKD 23)。先黎既系煎豆腐，有4件，卖相唔错，煎得好香口，食落去外脆内软，而鱼肉味道唔错。跟住黎既就系个拼盘，分量都几大，烧卖同鱼蛋各3粒，口感几弹牙爽口，而肠粉就非常嫩滑。至于个炒面，分量都算大，炒得爽身，味道唔错。至于个豆花豆浆就系呢间食店既特色食品，内有嫩滑既豆腐花配有豆味飘香既豆浆。姜汁豆花豆浆真系非常够姜，够哂'辣'。而桂圆红枣个杯就非常足料。