人和荳品廠 (已搬遷) 新店位置

下午茶时间，少少肚饿但又唔想食太饱，醒起铜锣湾有间人和豆品，即刻行过去食。下午5:30冇乜人，有卡位坐，坐底一阵，keep 住有客人入来，生意好好。豆腐花种类好多，而且价钱唔贵。叫咗个鱼肉煎豆腐，刚刚煎出热辣辣，豆腐味香浓，皮脆豆腐滑，唔落酱都好好味，鱼肉咸咸地配豆腐系绝配。另外叫咗个原味冻豆腐花，用嘅系金属匙羹，毕起来好似喺一桶豆腐花毕出咁，唔会整烂晒d豆花，豆花好滑，一入口就系幸福嘅味道，个碗都唔细架，而且价钱只系$12，真系超高性价比。好想试埋其他豆腐花同豆卜。👍🏼